Bok-kule

Bok-kuler, òg kalla globule, er mørke og kalde skyer av støv og gass so tette at dei stengjer for alt lys som kjem bakanifrå.^[1] Bok-kuler er å finna i H II-regionar^[2], som er område med aktiv stjernedanning, og det er anteke at det kan føregå stjernedanning inne i sjølve bok-kulene.^[1]

Bok-kuler i H II-regionen IC 2944. Biletet er teke av Hubble-teleskopet.

Det kolsvarte området til høgre for stjerna er ei bok-kula. Biletet er teke av Hubble-teleskopet og viser stjerna V380 Orionis med den tilhøyrande refleksjonståka NGC 1999.

Namnet kjem frå den nederlandsk-amerikanske astronomen Bart Bok som var den første til å skildra desse objekta i ein publikasjon i 1947.^[2]