Panserfuru

Panserfuru (vitskapleg namn Pinus heldreichii eller Pinus leucodermis) er ein treart i furuslekta. Arten tilhøyrer underseksjonen Pinaster, som hovudsakleg er utbreidd i middelhavslanda. Denne balkanske furua veks vilt i Bosnia, Montenegro, Serbia, Bulgaria, Makedonia, Albania, Hellas og på eit lite område i det sørlege Italia.

Panserfuru
Panserfuru
Status
Status i verda: Livskraftig
Systematikk
Rike:	Planteriket Plantae
Rekkje:	Bartre Pinophyta
Klasse:	Pinopsida
Orden:	Furuordenen Pinales
Familie:	Furufamilien Pinaceae
Underfamilie:	Pinoideae
Slekt:	Furuslekta Pinus
Art:	Panserfuru P. heldreichii
Vitskapleg namn
Pinus heldreichii Christ, 1863

Treet blir 20–35 meter høgt, med ein diameter på inntil to meter. Nålene, som kan bli 10 cm lange, sit i par og er grøne. Konglane er harde og inntil 9 cm lange. Dei har tynne skjel, og før modninga er dei blå-purpur-farga. Borken er fura med små skjold av borkskjel, brungrå eller mattgrå i fargen.

Arten kan truleg bli 1 300 år gammal. Han veks på 900–2 500 moh. Trea toler temperaturar ned til −45 °C og er populære hage- og parktre.