Botanisk hage

Botanisk hage er eit område der ein dyrkar plantar hovudsakleg for forskings- eller utdanningsføremål. Ein kan laga botaniske hagar innomhus eller utandørs, på større eller mindre område. Samlingar som berre omfattar tre- og buskvekstar blir kalla arboret, mens samlingar av frukttre heiter pomet.

Curitiba botanisk hage i Brasil.

Kaktushuset i Berlins botaniske hage.

Desse museuma av levande plantar er ordna etter ulike prinsipp. Eit mål kan vera å samla så mange ulike plantetypar som mogleg, eit anna å dokumentera eit visst økosystem.

Historie

I mellomalderen fann ein ofte urtehagar tilknytt kloster i Europa. Dei første vitskaplege botaniske hagane blei oppretta i samband med tidlege universitet på 1500-talet, først i Nord-Italia, men raskt også elles i Europa.

Dei eldste botaniske hagane er:

• Pisa (1544)
• Padova (1545), den eldste i Europa som framleis er i drift
• Firenze (1545)
• Bologna (1567)
• Leiden (1590)
• Montpellier (1593)
• Heidelberg (1597)
• Tübingen (1597)
• København (1600)
• Oxford (1621)
• Uppsala (1655)
• Hannover (1666)

Botaniske hagar i Noreg

I Noreg finst seks botaniske hagar som samarbeider i Nettverk for norske botaniske hager, i tillegg til Rogaland Arboret (grunnlagd 1972).

• Agder naturmuseum og botaniske hage (1928)
• Arboretet og Botanisk hage i Bergen (1971)
• Arktisk-alpin Botanisk hage i Tromsø (1994)
• Botanisk hage i Oslo (1814)
• Ringve botaniske hage i Trondheim (1973)
• Stavanger botaniske hage (etabl. 1977)

Bilete

• 
  Inne i United States Botanic Garden.
• 
  Ein botanisk hage på Kitchener's Island i Aswan.
• 
  Inne i Rio de Janeiro botanisk hage i Brasil, 1890

Bakgrunnsstoff

Commons har multimedium som gjeld: Botanisk hage