Broch

Broch eller Brock er eit etternamn som kan ha ulike tydingar og opphav. Namnet kan stamma frå Storbritannia, Tyskland, Nederland, Skandinavia og askenasiske jødar.

Denne artikkelen handlar om namnet. For andre tydingar av oppslagsordet, sjå bygningen broch.

Namnet kan stamma frå tysk Bruch, 'myr, våtmark' eller kan vera ei form av engelsk Brook, som tyder 'bekk'. Det kan koma av kallenamn for ein grevlingliknande person (gammalengelsk brocc, dansk brok), for ein ung kronhjort (engelsk, frå gammalfransk broque, brock) eller for ein tett, sterk person (mellomhøgtysk brocke, 'klump, stykke'). Det jødiske namnet kan vera avleidd frå eit patronym sett saman av bar- ('son av') og forkortinga av eit mannsnamn, eller for personar frå Brok i Polen.

Brock eller Brok var namnet på fleire danske adelsslekter.

Kjende namneberarar

Ole Jacob Broch (1818–1889), norsk vitskapsmann og politikar

• Niels Brock, dansk riddar og rådsherre på 1300-talet
• Eske Brock (1560-1625), dansk riksråd
• Ludvig Frederik Brock (1774–1853), dansk-norsk offiser
• Ole Jacob Broch (1818–1889), norsk vitskapsmann og politikar
• Thomas Brock (1847–1922), britisk skulptør
• Olaf Broch (1867–1961), norsk språkforskar
• William Emerson Brock (1872–1950), amerikansk politikar
• Fritz Brock (f. 1877), svensk økonom
• Nanna Broch (1879-1971), norsk bustadsforkjempar
• Hjalmar Broch (1882-1969), norsk zoolog
• William Brock (1895–1932), amerikansk flygar
• Bill Brock (f. 1930), amerikansk politikar
• Sebastian Brock (f. 1938), britisk syrolog
• Peter Brock (1945–2006), australsk racerbilførar
• Siri Broch Johansen (f. 1967), samisk songar og forfattar
• Isaac Brock (f. 1976), amerikansk gitarist

Bakgrunnsstoff

• Brock ved The Internet Surname Database