Christen Leif Vebæk

Christen Leif Pagh Vebæk (2. juli 1913–3. januar 1994) var ein dansk arkeolog som hovudsakleg verka på Grønland.

Christen Leif Vebæk
Fødd	2. juli 1913 Horsens
Død	3. januar 1994 Horsens
Nasjonalitet	Kongeriket Danmark
Yrke	arkeolog
Alma mater	Københavns Universitet
Ektefelle	Mâliâraq Vebæk

Liv og virke

Christen Leif Vebæk var fødd i Horsens som son av dyrlegen Carl Diderik Vebæk (1877-1962) og læraren Astrid Pagh (1881-1970). Han gjekk på skule i Horsens og byrja deretter å studera historie og engelsk ved Københavns Universitet. Han fullførte som cand. mag. i 1939. Allereie under studietida blei han rekruttert av Det danske nasjonalmuseet i 1935. I 1937 drog han for fyrste gong til Grønland for å delta i utgravingar av etterlevande av norrøne grønlendingar, og igjen i 1939. Under andre verdskrigen var Grønland skilt frå Danmark, og han arbeidde i staden med å registrera arkeologiske funn i Jylland, og redda gravhaugar frå å bli fjerna for å bygge festningsverk.

Etter at krigen var slutt, gifta han seg 4. august 1945 i Qaqortoq med læraren og den seinare forfattaren Maaliaaraq Kleist (1917-2012), dottera til kateketen og diktaren Josva Kleist (1879-1938) og kona hans Bolette Chemnitz (1888-1957). Paret fekk døtrene Bolette (f. 1946) og Astrid (f. 1947). Han utførte vidare utgravingar i 1945, og igjen i 1946, 1948 til 1951, 1954, 1958 og 1962. Under utgravingane fann han det mellomalderske St. Olaf-klosteret. I 1946 blei han vise-museumsinspektør og i 1957 museumsinspektør.

I Danmark leidde han òg utgravingar med betydelege funn. I 1940 oppdaga han restar frå bronsealderen i Frøjk ved Holstebro, i 1953 ei ganggrav ved Brejning, i 1965/66 ein jernalderlandsby ved Hurup og i 1966 fleire gullbrakteatar ved Kitnæs. I 1983 blei han pensjonert. Fleire av artiklane hans kom ut i Meddelelser om Grønland og i Tidskriftet Grønland.

Christen Leif Vebæk var òg politisk aktiv. I 1953 var han eit grunnleggjande medlem av Knud Kristensen sitt parti De Uafhængige. Frå 1954 til 1955 var han visepresident og deretter til 1959 formann for lokalavdelinga av partiet i København og medlem av partistyret. Han var kandidat til Folketinget ved valet i 1957, utan å bli vald. Han døydde i byrjinga av 1994, då han var 80.^[1][2]

Verk i utval

• 1943: Inland farms in the norse East Settlement – archaeological investigations in Julianehaab District, summer 1939
• 1991: The church topography of the eastern settlement and the excavation of the Benedictine convent in Uunartoq Fjord
• 1992: Vatnahverfi – an inland district of the Eastern Settlement in Greenland
• 1992 mit Søren Thirslund: The Viking compass guided Norsemen first to America
• 1993: Narsaq – a Norse landnáma farm