Cali

Santiago de Cali, best kjent som berre Cali, er hovudstaden i Valle del Cauca-departementet i Colombia. Byen vart grunnlagt 25. juli 1536 av den spanske conquistadoren Sebastián de Belalcázar.

Cali
Utsyn over Cali Utsyn over Cali
Land	Colombia
Flatevidd	564 km²
Flatevidd  - By	564 km²
Innbyggjarar  • By (2012)	2 400 653
Koordinatar	3°25′14″N 76°31′20″W
Høgd	1018 m
Tidssone	EST (UTC-5) (UTC)
Retningsnummer	+57 2
Nettstad: https://www.cali.gov.co/
Nettstad: www.Cali.gov.co
Plassering av Cali

Han er den folkerikaste byen i sørvestre Colombia, med om lag 2 319 655 innbyggjarar i samsvar med 2005-2020 DANE folketalsframskrivingar. Byen strekkjer seg ut over ca. 564 km² med 120,9 km² i byområdet. Dette gjer Cali til den tredje største byen i landet, bak Bogotá og Medellín, og han er i hovudsak ein by med låg bygningsmasse. Som den einaste store colombianske byen med tilgjenge til stillehavskysten, er Cali det urbane og økonomiske sentrum i sørvestre Colombia, og har ein av dei raskast veksande økonomiane i landet. Cali er òg kjent som hovudstaden for salsamusikk.

Cali er òg eit senter for idrett i Colombia, som den einaste colombianske byen har han arrangert dei panamerikanske leikane, det skjedde i 1971. Cali var vertskap for verdsmeisterskapen i bryting i 1992 og verdsmeisterskapen i banesykling i 2013.