Klosaksdyr

Klosaksdyr (Chelicerata) er ei gruppe leddyr som er kjenneteikna ved at dei har seks par vedheng. Det fyrste paret er utvikla til klosakser eller chelicer, som blir nytta til å kutta opp og manipulera mat med. Det andre paret er vanlegvis utvikla som primitive gangbein, men kan vera meir spesialisert hjå meir avanserte artar. Dei fire siste para har stort sett gangbeinfunksjon. Hjå andre nolevande artar leddyr er det fyrste beinparet gjort om til antenner.^[1]

Klosaksdyr
Systematikk
Rike:	Dyr Animalia
Underrike:	Bilaterale dyr Bilateria
Infrarike:	Protostomia
Rekkje:	Leddyr Arthropoda
Underrekkje:	Klosaksdyr Chelicerata Heymons, 1901

Treliste

Klosaksdyra utvikla seg i havet for meir enn 445 millionar år sidan,^[2] men nokre har sidan utvikla boklunger og lever på land. Kor mange artar som finst er usikkert, ettersom ein reknar med at svært mange av dei framleis er uoppdaga.

Inndeling

Treliste

• Biota, liv
  • Animalia, dyr
    • Arthropoda, leddyr
      • Chelicerata, klosaksdyr
        • Arachnida, edderkoppdyr
        • Merostomata, dolkhalar
        • Pycnogonida, havedderkoppar