Derwent i Yorkshire

Derwent er ei elv i Yorkshire nord i England.

Derwent
elv
Barmby on the Marsh tidvassbarriere ved munningen til Derwent
Land	England
Grevskap	Yorkshire
Tilløp
•  venstre	River Rye, Yorkshire
•  høgre	Pocklington Canal
Nedslagsfelt	2 057 km²
Lengd	115,1 km
Kjelde	Fylingdales Moor
- stad	North York Moors, Yorkshire, England
•  høgd	260 moh.
- koordinatar	54°22′50.10″N 0°37′23.79″W
Munning	Barmby Barrage
- stad	Barmby on the Marsh, Yorkshire, England
- koordinatar	53°44′58″N 0°58′08″W
Derwent i Yorkshire 53.7494°N 0.968889°W / 53.7494; -0.968889
Wikimedia Commons: River Derwent, Yorkshire

Ho spring ut i Fylingdales Moor i North York Moors nasjonalpark og renn sørover til ho tar imot elva Hertford før ho renn vestover gjennom Vale of Pickering, sør gjennom Kirkham Gorge og Vale of York før ho renn saman med Ouse i Barmby on the Marsh. Samløpet er uvanleg fordi Derwent renn saman med Ouse med ein smal vinkel i retning oppover elva.

Nedslagsfeltet til Derwent omfattar 2057 km² og dekkjer Upper Derwent, Rye, Hertford, Bielby Beck og Pocklington-kanalen og sideelvane deira. Busetnader i nedslagsfeltet er mellom andre byane Stamford Bridge, Malton, Pickering, Helmsley, Filey og Scarborough. Området grensar til Cleveland Hills, North York Moors og Hambleton Hills i nord, Yorkshire Wolds og kysten i aust, Vale of York i vest og Ouse og Humber-estauaret i sør. Området kring elva er hovudsakleg landleg. Store område kring elva har bevaringsstatus.