Donsö

Donsö er ein svensk tettstad og ei øy i Göteborg kommune i Västra Götalands län i landskapet Västergötland. I 2010 hadde tettstaden 1 407 innbyggjarar.

Donsö
øy
Land	Sverige
Landskap	Västergötland
Len	Västra Götalands län
Kommune	Göteborg kommun
Koordinatar	57°36′0″N 11°48′0″E
Areal	0,97 km²
Folketal	1 407  (31. desember 2010[1])
Donsö 57.599913603335°N 11.801627301742°E / 57.599913603335; 11.801627301742
Kart som viser Donsö. Kart som viser Donsö.
Wikimedia Commons: Donsö

Donsö ligg 16 kilometer sørvest for Göteborg sentrum. Donsö var municipalsamhälle frå 1911 til 1959, og til 1974 tilhøyrde staden den tidlegare Styrsö kommune.

Namnet Donsö vart skrive «Dunsø» på 1200-talet i jordeboka til Valdemar II, og kjem truleg frå planta ängsull, norsk: myrull, som er vanleg her.^[2]

Øya har fleire reiarlag, eit musikkstudio og fleire byggentreprenørar. I Donsø hamn er det 50-70 plassar for fritidsbåtar. Gjestehamna er utstyrt med toalett, dusj og vaskerom. Samskipnaden Donsö IS arrangerer årleg «Donsö Hamnfest» den første laurdagen i august.

Donsö har landsamband via ferjene til Västtrafik, på folkemunne kalla «ångbåten» (dampbåten). Ferjene trafikkerer alle busette øyar i den sørlege skjergarden til Göteborg. Øya har òg brusamband med øya Styrsö.