Doolin

Doolin (irsk Dúlainn) er ein landsby ved atlanterhavskysten i County Clare i Irland. Nabobyen er Lisdoonvarna. Doolin er eit velkjent senter for irsk folkemusikk, med konsertar kvar kveld i pubane her.

Doolin
busetnad
Doolin sett frå sørvest
Land	Irland
Fylke	County Clare
Provins	Munster
Doolin 53.018°N 9.377°W / 53.018; -9.377
Kart som viser plasseringa av Doolin på vestkysten av Irland. Kart som viser plasseringa av Doolin på vestkysten av Irland.
Wikimedia Commons: Doolin

I området rundt landsbyen finst fleire stader av arkeologisk interesse, mange kan daterast tilbake til jernalderen og tidlegare. Borgene Doonagore Castle og Ballinalacken Castle ligg også i området.

Doolin er ein av tre stader som har ferjesamband med Aranøyane, dei to andre er Galway og landsbyen Rossaveal på nordsida av Galwaybukta. Øyane er synlege frå Doolin. Moherklippene ligg også i nærleiken. Doolin ligg i det sørvestlege hjørnet av Burren-området.