Dragon 32/64

Dragon 32 og Dragon 64 var heimedatamaskiner som vart produsert på 1980-talet av det walisiske selskapet Dragon Data Ltd. Den britiske marknaden for heimedatamaskiner var i eksplosiv vekst, og nye maskiner vart lansert omtrent kvar månad. I august 1982 kasta Dragon Data seg på karusellen med Dragon 32. Dragon 64 kom året etter. Skilnaden på dei to datamaskinane var talet på kilobytes i minnet.

Dragon 32/64
Produsent	Dragon Data
Type	computermodell
Prosessor	Motorola 6809
Lansert	1982

I marknaden for private heimedatamaskiner der spel var ein viktig drivkraft, var Dragon underlegen andre maskiner som Sinclair ZX Spectrum og Commodore 64.

Dragon-maskina var heller ikkje i stand til å vise små bokstavar på ein enkel måte. Dette stengte maskina ute frå skulemaskinmarknaden som i staden vart dominert av den Acorn-bygde BBC Micro.

Som eit resultat av desse avgrensingane, vart ikkje Dragon nokon suksess kommersielt, og Dragon Data kollapsa i juni 1984.

Bakgrunnsstoff

• The Dragon 32/64 Computers – på nettstaden www.6809.org.uk
• Dragon Information Files Arkivert 2008-07-25 ved Wayback Machine. – frå Graham si «Dragon Page», av Graham E. Kinns
• The Dragon Archive – Eit arkiv over alt mogleg relatert til Dragon 32/64 og kloner og prototypar
• A Slayed Beast - History of the Dragon Computer frå dragon-archive-online.co.uk.