Drake-likninga

Drake-likninga er ei enkel matematisk likning innanfor astrobiologien og leitinga etter utanomjordisk intelligens (SETI-prosjektet). Ho vart formulert av astrofysikaren Frank Drake i 1960, og har som mål å syna kor mange intelligente sivilisasjonar med radioteknologi som finst i Mjølkevegen til ein kvar tid.

Likninga

${\displaystyle \ N=R^{*}\times f_{p}\times n_{e}\times f_{e}\times f_{i}\times f_{c}\times L}$

Drake-likninga er ei relativt enkel likning, som går ut på multiplikasjonen av ei rekkje variablar:

• ${\displaystyle \ N}$ er kor mange intelligente sivilisasjonar som eksisterer.
• ${\displaystyle \ R^{*}}$ står for raten for kor ofte nye stjerner vert danna.
• ${\displaystyle \ f_{p}}$ er den luten av stjernene som har planetar.
• ${\displaystyle \ n_{e}}$ står for luten av planetar som potensielt kan utvikla liv per stjerne med planetar.
• ${\displaystyle \ f_{l}}$ er luten av desse planetane som faktisk utviklar liv på eit eller anna tidspunkt.
• ${\displaystyle \ f_{i}}$ er den luten av planetar med liv som utviklar intelligent liv.
• ${\displaystyle \ f_{c}}$ er luten av sivilisasjonar som utviklar teknologi som let seg registrera frå rommet, det vil seie radiosignal eller liknande.
• ${\displaystyle \ L}$ er lengda på tidsrommet desse sivilisasjonane sender signal ut i rommet.