Einar Lexow

Einar Jacob Knuthinge Lexow (22. oktober 1887–27. oktober 1948) var ein norsk kunsthistorikar og museumsmann, fødd i Sarpsborg.

Einar Lexow
Statsborgarskap	Noreg
Fødd	22. oktober 1887 Sarpsborg kommune
Død	27. oktober 1948 (61 år)
Yrke	kunsthistorikar
Ektefelle	Borghild Berge Lexow
Einar Lexow på Commons

Doktersonen Lexow tok examen artium i 1906. Sidan studerte han kunst på Universitetet i Kristiania under kunsthistorikaren Lorentz Dietrichson.

I tida 1901-12 var Lexow amanuensis ved Kunstindustrimuseet i Kristiania. År 1912 fekk han jobb som konservator ved den kulturhistorisk avdelinga til Bergens Museum. Tida 1919-31 var han også inspektør ved Håkonshallen. Etter tjue år på Bergens Museum tok han i 1932 over direktørstillinga ved Vestlandske Kunstindustrimuseum.

Lexow vart dr.philos. i 1923 på avhandlinga Hovedlinjene i entrelac-ornamentikkens historie. Han skreiv fleire bøker om både kunst og fortidsminne, der særleg oversynsverka nådde eit større publikum. Gjennom mange år var han formann i Bergens-avdelinga av Fortidsminneforeningen, og hadde elles ei rad med tillitsverv innanfor fagfeltet sitt.

Blibliografi i utval

• Joh. F.L. Dreiers norske folkedragter'. 1913.
• Stilfølelse og stilformer. 1915
• Norges kunst. 1926
• Haakonshallen. 1929
• Bergen, fortidsminder og kunstverker. 1930
• Norske glassmalerier fra laugstiden. 1938

Kjelder

• Norsk Allkunnebok. VIII. bandet. 1957