Europa i gresk mytologi

Europa er ei kvinne i gresk mytologi som er best kjend for å ha blitt bortført ridande på Zevs i kvit okseham. Ho er opphavet til namnet på verdsdelen Europa. Europa blei tilbedd på Kreta under namnet Hellotis, og feira under høgtida hellotia.

Europa
Fødd	Tyr
Identifisert med	Europa
Mor	Telephassa, Alphesiboea, Perimede
Far	Agenor
Ektefelle	Asterios
Sambuar	Zevs
Barn	Minos, Rhadamantys, Carnus, Dodon, Sarpedon, Alagonia, Hydarnis

Gresk terrakottaskulptur av Europa på oksen frå 500-talet f.Kr.

I mytene er Europa ei høgtståande fønikisk kvinne av ulike opphav - ofte er far hennar kong Agenor av Tyr, i andre er far hennar Phoenix, son av Agenor. Ho var særs vakker, og guden Zevs fall for henne. Etter å ha lurt henne til seg i form av ein kvit okse, førte han henne vekk frå heimstaden til Kreta. Her fekk dei to eller tre søner saman: Minos, Rhadamanthys og i nokre variantar også Sarpedon. Europa blei seinare gift med Asterius, kongen av Kreta, som tok til seg sønene hennar.