Folégandros

Folégandros (gresk Φολέγανδρος), òg kalla Pholegandros, er ei øy i Hellas som høyrer til Kykladane i Egearhavet. I lag med Síkinos, Íos, Anáfi og Santoríni dannar ho den sørlege delen av øygruppa. Ho har eit areal på 32 km² og 719 innbyggjarar (2021). Øya har tre små landsbyar, Khóra eller Folégandros, Karavostásis og Áno Meriá.

Folégandros Lokalt namn Φολέγανδρος
Klipper ved Khóra på Folégandros
Geografi
Stad	Egearhavet
Koordinatar	36°37′N 24°54′E
Øygruppe	Kykladane
Areal	32,216 km²
Administrasjon
Land	Hellas
Periferi Periferieining	Dei sørlege egeiske øyane Thíra
Største busetnad	Folégandros (370 innb.)
Demografi
Folketal	719 (2021[1])
Folketettleik	22,3 /km²

Folégandros er eigen kommune, og frå 2011 høyrer øya administrativt til under periferieininga Thíra i periferien Dei sørlege egeiske øyane.^[2]

Ved folketeljinga i 2021 hadde kommunen Folégandros 719 innbyggjarar, medan tettstaden med same namn hadde 370 innbyggjarar.^[1]

Geografi

Folégandros har eit variert landskap med mellom anna høge klipper og ei stor grotte. Hovudbyen Khóra er bygd på kanten av ei 200 meter høg klippe. Hamna på øya er den litle landsbyen Karavostásis.

Folégandros er ei av mange avsidesliggande greske øyar med natur i flotte omgjevnadar. Med det klåre blå vatnet er strendene her kåra til blant dei ti beste i verda av Travel Channel.

Historie

Lite er kjend om den antikke historia til Folégandros. Innbyggjarane var dorianarar og ho kom seinare athensk styre. Øya vart erobra i 1207 av venetianaren Marco Sanudo og var under Venezia fram til 1566, då ho vart ein del av Det osmanske riket. Grekarane tok øya tilbake på 1800-talet.

Byar og tettstader

Byane og tettstadene i kommunen er:

Tettstad	Folketal 2011[3]	Folketal 2021[1]
Folégandros (Khóra)	425	370
Áno Meriá	243	259
Karavostásis	87	84
Agáli	9	3
Ájos Jeórjios	0	2
Livádi	1	1

Småøyar i kommunen:

• Ájos Ioánnis (0)
• Tría Adélfia (0)