Folkeskule

Folkeskule var tidlegare nemninga på den offentlege sjuårige skulen i Noreg. Nemninga blir framleis brukt i Danmark (folkeskole) og på Færøyane (fólkaskúli). Ho har tidlegare også vore brukt om grunnskulen i Austerrike, Sveits og Tyskland (Volksschule) og i Sverige (folkskola).

I tida 1739–1889 var folkeskulen kjend som allmugeskulen. Folkeskulen blei innført ved Lov om folkeskolen av 1889. Ein delte han inn i ein landsfolkeskule og ein byfolkeskule med kvar sine lover fram til 1959. Ved lov om grunnskolen av 1969 blei namnet endra til grunnskolen.