Frøperle

Frøperle eller rocaille^[1][2] er små, einskapleg utforma perler til perlearbeid som kan vera under ein millimeter til nokre millimeter vidde. Dei er vanlegvis runde, men kan også vera meir sylindriske i utforming eller ha andre former. Dei kan brukast til perleveving, broderi, smykke og liknande. Dei fleste frøperler blir laga i Japan og Tsjekkia.

Ulike frøperler

Smykke med frøperler frå Botswana, laga før 1925.

Kopi av eit frimerke laga med frøperler.

Storleiken på denne typen perler blir oppgjeven som 1/0 eller 1/°, 2/0 eller 2/° og så bortetter, med større tal for mindre storleikar. Den største storleiken på frøperler er vanlegvis 5/°, som er kring 5 mm vide. Det blir laga storleikar ned til 15/°. Tidlegare blei det også laga endå mindre perler.^[3] Storleiken er ikkje standardisert, og kan variera mellom ulike produsentar.^[4][5][6] Tabellen under gjev eit oversyn over tilnærma storleikar.

Storleiksnemning	Diameter (mm)
1/0	6,5
2/0	6,0
3/0	5,5
4/0	5,0
5/0	4,5
6/0	4,0–4,3
7/0	3,4–4,0
8/0	2,5–3,1
9/0	2,2–2.,7
10/0	2,0–2,3
11/0	1,8–2,1
12/0	1,7–1,9
13/0	1,5–1,7
14/0	1,4–1,6
15/0	1,30–1,40
16/0	1,25–1,35
17/0	1,2
18/0	1,15–1,20
20/0	1,0–1,17
22/0	1,02
24/0	0,91