François Viète

François Viète (1540–23. februar 1603) var ein fransk jurist og matematikar.

François Viète
Fødd	1540 Fontenay-le-Comte
Død	23. februar 1603 Paris
Nasjonalitet	Frankrike
Område	algebra, kryptografi, geometri, matematikk
Yrke	matematikar, kryptograf, advokat
Institusjonar	Antoinette d'Aubeterre Henrik III av Frankrike Henrik IV av Frankrike
Alma mater	Université de Poitiers

François Viète kom frå Vendée, vest i Frankrike. Han var utdanna advokat, og i løpet av livet arbeidde han som rådgjevar for både Henrik III og Henrik IV.

François Viète gjorde fleire viktige oppdagingar innan både trigonometri, algebra og bokstavrekning. Han vert i dag sett på som grunnleggjaren av det moderne matematiske teiknspråket. Fleire av teikna som han innførte er enno i bruk i moderne matematikk. Læreboka hans, Opera mathematica vart utgjeven i 1646, over 40 år etter han døydde.