Fugleskremsel

Fugleskremsel (fugleskræme) er ei innretning sett opp i hagar, dyrka mark og liknande for å halde fuglar frå å ete eller skade avlinga. Ofte er eit fugleskremsel forma meir eller mindre som ei etterlikning av eit menneske, med lause klede og andre ting som vinden kan sette i rørsle, eller forma som figurar som kan gje inntrykk av å vere flygande rovfuglar. Som fulgeskremsel vert det òg nytta strimlar av blenkande og knitrande aluminiumsfolie eller cdar som vert hengt opp på greinene i frukt- og bærtrea, eller på snorer over bærbuskane eller plantane.

Eit tsjekkisk fugleskremsel.

Fugleskremsel i kulturen

I tillegg til nyttebruk kan ein også ha fugleskremsel som pynt, ofte i samband med haust, halloween og liknande. Fleire stader i verda blir det halde fugleskremselfestivalar der ein lager forseggjorte fugleskremsel.

Det finst fleire døme på levande eller medvitne fugleskremsel i litteratur og tradisjon. I japansk mytologi har jordbruks- og kunnskapsguden Kuebiko form som eit fugleskremsel. Han kan ikkje røra på seg, men oppfattar alt. I novella «Feathertop» frå 1852 av Nathaniel Hawthorne blir eit fugleskremsel fortrolla slik at det blir levande. Eit levande fugleskremsel på jakt etter hjerne er ein av hovudfigurane i boka The Wonderful Wizard of Oz (1900 ) og filmatiseringa The Wizard of Oz (1939). «The Scarecrow», eit fugleskremselvesen, opptrer som fiende for Batman i fleire teikneseriar og filmane Batman Begins (2005) og The Dark Knight (2008).

Galleri

• 
  Fransk fugleskremsel
• 
  Nordirsk fugleskremsel.
• 
  Fugleskremsel i Indiana i USA.
• 
  Fugleskremsel i Kerala i India.
• 
  Hovud som fugleskremsel i England.
• 
  Daud kråke brukt som fugleskremsel.

Kjelder

• Delar av denne artikkelen bygger på «Scarecrow» frå Wikipedia på engelsk, den 3. november 2011.

Bakgrunnsstoff

Commons har multimedium som gjeld: Fugleskremsel