Grisetang

Grisetang er ein vanleg brunalge i strandsonen i Noreg.

Grisetang
Grisetang
Utbreiing
Utbreiinga av grisetang
Systematikk
Rekkje:	Ochrophyta
Underrekkje:	Phaeista
Klasse:	Brunalgar Phaeophyceae
Underklasse:	Fucophycidae
Orden:	Tang Fucales
Familie:	Fucaceae
Slekt:	Ascophyllum
Art:	Grisetang A. nodosum
Vitskapleg namn
Ascophyllum nodosum

Utsjånad

Ein fleirårig brunalge som kan verte opp til 2 m lang, med olivengrønt fargeskjær, og uregelmessig gaffelgreina. Hovudaksen i tverrsnitt noko ellipseforma og 5-10 mm brei. Tangen manglar midtnerve. Her og der svell akse og greiner opp til gassfylte ovale blærer som er ganske harde. Nedst ei hefteskive som kan bere mange skot. Kjønnsorgan utviklar seg i tjukkare parti (receptaklar) i enden av sidestilte kortskot. Han- og hoorgan på ulike plantar. Dei modnast i juni-juli.

Utbreiing

Tangen er vanleg langs den nordvestlege kysten av Europa frå Svalbard til Portugal medrekna Færøyane. På andre sida av Atlanterhavet finst han aust på Grønland, kring Nova Scotia, Baffinland, Hudsonsundet, Labrador og Newfoundland.

Førekomst i Noreg

Planta veks på berggrunn langs heile kysten, vesentleg i nedre del av sagtangbeltet.

Bruk

Store mengder grisetang har vorte samla inn kvart år til produksjon av tangmjøl og alginat. Tidlegare vart tangen også nytta til dyrefôr.