Hærfuglar

Hærfuglar (Upupa) er ei lita slekt av fuglar som høyrer til ordenen Bucerotiformes. Upupa er einaste slekta i hærfuglfamilien, Upupidae.

Hærfuglfamilien
Hærfugl, Upupa epops Foto: Arturo Nikolai
Utbreiing
Utbreiinga av hærfuglfamilien
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Infraklasse:	Neognathae
Overorden:	Coraciimorphae
Orden:	Horn- og hærfuglar Bucerotiformes
Familie:	Hærfuglfamilien Upupidae Leach, 1820

Det er ulike synspunkt på inndeling av artar og underartar i denne slekta, det er rekna frå ein til fire artar avhengig av taksonomi. Ein art, U. antaeus på øya St. Helena døyde ut på 1500-talet, truleg på grunn av innføring av framande artar.

Hærfuglar finst i sørlege og sentrale delar av Europa og Asia og i dei fleste delar av Afrika. Føretrekte habitat er opne landskap, som savannar eller jordbruksland. Dei brukar mykje tid på bakken i jakta på store insekt, andre byttedyr og noko plantekost.^[1]

Artsoversyn

Slekt Upupa i rekkjefølgje etter IOC World Bird List V14.1, 2024,^[2] med norske namn etter Norske navn på verdens fugler:^[3]

Bilete	Vitskapleg namn	Norsk namn	Utbreiing
	Upupa epops	Hærfugl	Europa, Asia og Nord-Afrika og den nordlege delen av Afrika sør for Sahara (inkludert Kamerun, Uganda og nordre austlege Kenya)
	Upupa africana	Kanelhærfugl	Sørlege Afrika inkludert Den demokratiske republikken Kongo og Tanzania
	Upupa marginata	Madagaskarhærfugl	Madagaskar