Høgskolen i Oslo

59°55′15.265″N 10°44′1.9068″E

Høgskolen i Oslo
Avdeling for ingeniørutdanning ved HiO
Motto	Utdanning for et helt liv
Grunnlagt	1. august 1994
Type	Statleg høgskole
Stad	Oslo kommune
Nettstad	http://www.hio.no
Erstattar	Norsk journalisthøgskole, Oslo ingeniørhøgskole, Statens bibliotekhøgskole, Sosialhøyskolen i Oslo
Erstatta av	Høgskolen i Oslo og Akershus
Høgskolen i Oslo 59.921869444444°N 10.733405555556°E / 59.921869444444; 10.733405555556

Høgskolen i Oslo (HiO), blei etablert 1. august 1994 og hadde om lag 12.000 studentar og 1100 tilsette.^[1] Høgskulen var ein av 24 statlege høgskular i Noreg og er eit resultat av at tretten statlege høgskular i Oslo blei slått saman som ein del av Høgskulereforma i 1994. Den var den største statlege høgskulen i Noreg.

Høgskolen vedtok samanslåing med Høgskolen i Akershus på Kjeller den 9. desember 2010. Den nye høgskolen, Høgskolen i Oslo og Akershus, blei oppretta den 1. august 2011.

Lokalisering

Høgskolen i Oslo var samlokalisert på Bislett (Frydenlund, Pilestredet park og Holbergs plass), med hovudadresse Pilestredet 46 på Bislett i Oslo.

Avdelingar og studietilbod

Høgskulen tilbaud fag- og profesjonsstudium innan ei rekkje fagområde. Faga kunne takast i varierande lengde frå halvårseiningar til bachelorgrader, mastergrader og eit doktorgradstudium, samt ei rekkje kurs-, etter- og vidareutdanningar.

Dei sju avdelingane ved Høgskolen i Oslo var:

• Avdeling for helsefag
• Avdeling for samfunnsfag
• Avdeling for estetiske fag
• Avdeling for ingeniørutdanning
• Avdeling for sykepleierutdanning
• Avdeling for lærerutdanning og internasjonale studier
• Avdeling for journalistikk, bibliotek- og informasjonsfag

I tillegg kom Senter for profesjonsstudier (SPS).

Høgskulen tilbaud internasjonalisering av studia, både høve til å ta delar av den ordinære utdanninga i utlandet, eller ved å halde fram å utdanne seg i utlandet etter avslutta studiar.

I 2007 blei Høgskolen i Oslo, avdeling for lærarutdanning og internasjonale studiar, tildelt ansvaret for opprettinga av den første permanente tolkeutdanning i Noreg, og oppretta same år studietilbodet «Tolking i offentlig sektor» der det i løpet av 2007 og 2008 blei tilbode tolkeutdanning i 30 ulike språkkombinasjonar.

Rektorar ved Høgskolen i Oslo

• Steinar Stjernø 1994-2000
• Per Lilleengen 2000-2007
• Sissel Østberg 2007-2011

Sjå også

• Oslo- og Akershushøgskolenes studentsamskipnad
• Oslostudenten (studentavis)
• Studentersamfunnet Bislet
• Studentparlamentet