Hamre i Bergen

Hamre er ein gard i Fana i Bergen. Garden ligg på vestsida av Kalandsvatnet og er delt i Indre Hamre i nord og Ytre Hamre i sør.

Hamre
stad
Land	Noreg
Fylke	Hordaland
Kommune	Bergen
Postnummer	5243 FANA 5229 KALANDSEIDET
Gardnummer	83 og 84
Ferdselsårer	Fv167 Hamrevegen
Wikimedia Commons: Hamre, Bergen

Hamrevegen er kalla opp etter området og går over gardane.

Namn

Namnet kjem av det norrøne hamarr som tyder fjellhammar.

Historie

I mellomalderen høyrte garden til Lyse kloster, og etter reformasjonen til Lyseklostergodset. Garden vart delt før 1522 i Indre og Ytre Hamre. Frå 1875-1876 var det brukarane på gardane som var sjølveigarar.

Ytre Hamre

Ytre Hamre

Ytre Hamre ligg sør for Indre Hamre, på vestsida av Kalandsvatnet. Garden er langstrekt og strekkjer seg sørover på austsida av Klokkarvatnet, over Hamrenibbane og Hamresåta, over Jordavatnet og sør til Svartevatnet ved kommunegrensa til Os kommune.

Ytre Hamre grensar mot Indre Hamre i nord, Nedre Titlestad i nordvest, Fana prestegård i vest, Nordvik i sørvest, Os kommune i sør, Kismul i søraust og Sæle i aust.

Indre Hamre

Indre Hamre

Indre Hamre ligg òg på vestsida av Kalandsvatnet og grensar til Ytre Hamre og Sæle i sør, Øvre Sandven i aust, Hatlestad i nord, Smørås i nordvest og Nedre Titlestad i vest.

Kjelder

• Gunnar Hagen Hartvedt (2003). Bergen Byleksikon (4 utg.). Oslo: Kunnskapsforlaget. ISBN 82-573-1036-0.
• Bergenskart Arkivert 2020-02-17 ved Wayback Machine.