Hedno

Hedno eller Henne er ein gard i Gimmelandsdalen i Fana i Bergen kommune. Garden ligg i åsen vest for dalføret til Austevollselva og nordaust for Kalandsvatnet.

Hedno
stad
Land	Noreg
Fylke	Hordaland
Kommune	Bergen
Postnummer	5229 KALANDSEIDET
Gardnummer	60
Ferdselsårer	Hednevegen, Hednemyrsvegen

Namn

Namnet kjem truleg av det norrøne Hellnar som kjem av hellr, som tyder «stein».

Historie

Garden låg i mellomalderen til Munkeliv kloster og vart etter reformasjonen krongods. I 1661 vart garden kjøpt av generaltollforvaltar Herman Garmann. I 1708 tok bøndene på garden sjølv over eigarskapen.

Her er framleis gardsdrift.

Geografi

Garden ligg vest for Austevollselva og strekkjer seg vestover til Stignavatnet. I nord ligg Hedneåsen (310 moh) og i sør Vardafjellet (337 moh). Garden sjølv ligg om lag 210 moh.

Garden grensar til Fjellbirkeland i nordvest, Stigen i vest, Nedre Sandven i sørvest, Smådal i sør, Almeland i søraust, Gimmeland i aust og Nedre Totland og Riple i nord.

Kjelder

• Gunnar Hagen Hartvedt (2003). Bergen Byleksikon (4 utg.). Oslo: Kunnskapsforlaget. ISBN 82-573-1036-0.
• Bergenskart - stednavnskart Arkivert 2020-02-17 ved Wayback Machine.