Kronealvar

Kronealvar er ei biologisk slekt Heliothryx av kolibriar med to medlemmer som samla har eit leveområde i våt låglandskog i Mellom-Amerika og nordlege Sør-Amerika. Begge artar lever både i Ecuador og Colombia, separet av Andesfjella. Slekta er ein del av underfamilien Polytminae, «mangoar».

Kronealvar
Purpurkronealv, Heliothryx barroti, hofugl, foto frå Panama Foto: Dominic Sherony
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Seglarfuglar Apodiformes
Familie:	Kolibriar Trochilidae
Underfamilie:	Polytminae
Slekt:	Kronealvar Heliothryx F. Boie, 1831
Artar
purpurkronealv grønkronealv

Namnet Heliothryx er frå gresk: hēlios «sol» samansett med trikhos «hår».^[1]

Skildring

Kronealvar er to kolibriartar med rein kvitfarga underside, svart ansiktmaske og elles grønglitrande overside. Snøkvite halefjører blinkar når dei vert spreidde ut. Begge artar er rundt 9-10 centimeter i kroppslengd.^[2] Kronealvar har lenge vore kjente for åtferda med å stikke hol gjennom blomar utan å medverke til pollinering, kalla nektartjuveri.^[3][1][4]

Dette er fuglar som lever i lågland, grønkronealv er mest vanleg under 400 moh.

Galleri

• 
  Grønkronealv, Heliothryx auritus

  Foto: Joao Quental
• 
  Purpurkronealv, Heliothryx barroti bilete frå Costa Rica

Artslista

Kronealvar i rekkjefølgje etter IOC World Bird List V13.1, 2023,^[5] med norske artsnamn etter Norske navn på verdens fugler.^[6] IUCN kategori er etter HBW and BirdLife Taxonomic Checklist.^[7]

• Purpurkronealv, Heliothryx barroti, Purple-crowned fairy, (Bourcier, 1843), (LC)

Lever frå Guatemala langs karibiakysten til Costa Rica og Panama, over til stillehavskysten og langs vestsida av Andes i Colombia og Ecuador.^[8]

• Grønkronealv, Heliothryx auritus, Black-eared fairy, (Gmelin, JF, 1788), (LC)

Lever i Amazonas gjennom ni land. I tillegg finst ein isolert populasjon søraustre Brasil.^[1]