Herman Van Rompuy

Herman Van Rompuy (fødd 31. oktober 1947) er ein belgisk, flamsk politikar for partiet Christen-Democratisch en Vlaams (Kristendemokratisk og flamsk) og EU-president. Han var statsminister i Belgia frå 30. desember 2008 til 25. november 2009. Før det var han president for underhuset i den belgiske nasjonalforsamlinga. Etter at statsministeren, Yves Leterme, leverte avskjedssøknaden sin i desember 2008 fekk partifellen Van Rompuy i oppdrag av kongen å danna ny regjering, i koalisjon med dei same partia som Leterme regjerte med: Flamske liberale og demokratar (Vlaamse Liberalen en Democraten) og dei frankofone partia Reformrørsla (Mouvement Réformateur), Sosialistpartiet (Parti Socialiste), og Demokratisk, humanistisk senter (Centre démocrate humaniste).

Herman Van Rompuy
Fødd	31. oktober 1947 (77 år) Etterbeek
Statsborgar av	Belgia
Parti	Det europeiske folkepartiet
Yrke	politikar, samfunnsøkonom
Institusjonar	Belgias nasjonalbank
Utdanna ved	Det katolske universitetet i Leuven Sint-Jan Berchmanscollege Katholieke Universiteit Leuven
Far	Vic Van Rompuy
Ektefelle	Geertrui Windels
Barn	Peter Van Rompuy
Verv	Statsminister i Belgia 2008-2009
Føregangar	Yves Leterme
Etterfylgjar	Yves Leterme
Alle verv	president for Det europeiske råd (2009–2014) Belgias statsminister (2008–2009) medlem av Representantkammeret (1995–2009) senator (1988–1995) Belgias budsjettminister (1993–1999) medlem av Representantkammeret (2007–2008) member of the Flemish Parliament (1994–1995)

Van Rompuy var partileiar for partiet sitt frå 1988 til 1993 og budsjettminister frå 1993 til 1999. Frå 2007 var han president for underhuset i nasjonalforsamlinga.

Van Rompuy har lenge vore ein aktiv bloggar, og skriv mellom anna haiku-aktige dikt på bloggen sin.

Bakgrunnsstoff

• Herman Van Rompuy sin blogg på nederlandsk