Horsh Ehden naturreservat

Horsh Ehden er eit naturreservat som ligg i Nord-Libanon og består av restar av skogen av libanonseder, som er viktig for kultur- og naturarva til landet. Det ligg i nordvestsida av Libanonfjella omgjeve av tåke og relativt mykje nedbør. Fleire sjeldne og endemiske planter veks her. Sedertrea står ved sidan av ein blandingsskog av einer, furu og dei siste verna områda i landet med ville epletre. Av dyr i skogen finn ein keisarørn, haukørn, gråulv og villkatt. Reservatet ligg i vakre dalar og kløfter med ville orkidéar, lysefarga salamanderar, sopp og anna plante- og dyreliv.

Horsh Ehden naturreservat
verneområde
Horsh Ehden naturreservat
Land	Libanon
By	Ehden
Koordinatar	34°18′29.65″N 35°58′58.91″E
Grunnlagd	9. mars 1992[1]
Styre	Horsh Ehden naturreservat, libanesisk miljøvernsdepartement
Horsh Ehden naturreservat 34.312222222222°N 35.985°E / 34.312222222222; 35.985
Kart som viser Horsh Ehden naturreservat. Kart som viser Horsh Ehden naturreservat.
Wikimedia Commons: Horsh Ehden Nature Reserve

Inne i reservatet.

Reservatet er eit populært turområde.

Naturhistorie

Biologisk mangfald

Horsh Ehden naturreservat har eit rikt biologisk mangfald. Det er registrert over 1 058 plantartar i reservatet, som utgjer kring 40% av alle planteartane i Libanon, sjølv om området berre dekker mindre enn 0,1% av landet. 212 av plantene er sjeldne, og 126 er rekna som truga. 115 av planteartane er endemiske for Libanon, og 10 er endemiske for Horsh Ehden.

Horsh Ehden naturreservat har òg eit rikt fugle- og dyreliv.