IPhone 6S

iPhone 6S og iPhone 6S Plus (marknadsførte som iPhone 6s og iPhone 6s Plus) er smarttelefonar som var designa, utvikla og marknadsført av Apple. Dei utgjer den niande generasjonen iPhone. Telefonane vart annonserte 9. september 2015, i Bill Graham Civic Auditorium i San Francisco av administrerande direktør i Apple, Tim Cook, og utgjevne i utvalde land den 25. september 2015, som etterfølgjarar til iPhone 6 og iPhone 6 Plus. Apple heldt fram med å lansere telefonane i andre land verda over ut oktober og november 2015. iPhone 6s-modellane vart etterfølgde av iPhone 7 og iPhone 7 Plus i september 2017.

iPhone 6S iPhone 6S Plus
iPhone 6S i fargen «Rose Gold»
Produsent	Apple
Operativsystem	iOS
Minne	2 GB LPDDR4 RAM
Lagring	16, 32, 64 eller 128 GB
Batteri	6S: 3,82 V 6,65 W·h (1715 mA·h) Li-ion 6S Plus: 3,8 V 10,45 W·h (2750 mA·h) Li-ion
Storleik	6S: Høgd: 138,3 mm Breidd: 67,1 mm Djupn: 7,1 mm 6S Plus Høgd: 158,2 mm Breidd: 77,9 mm Djupn: 7,3 mm
Vekt	6S: 143 g 6S Plus: 192 g

iPhone 6S har ein liknande design som iPhone 6, men med oppdatert maskinvare, som sterkare innfatning, oppgradert prosessor, eit kamera på 12 megapikslar og ein forbetra fingeravtrykkskanner. Telefonen introduserer òg ein funksjon kjent som «3D Touch», som tillèt trykksensitiv innputt på peikeskjermen.^[1]