Ibrahim Afellay

Ibrahim Afellay (fødd 2. april 1986 i Utrecht) er ein nederlandsk fotballspelar av marokkansk opphav som har spela for FC Barcelona i spansk Primera Division og for det nederlandske landslaget. Han var med på å bli seriemeister i Nederland med PSV fire år på rad, frå 2005 til 2008. Han blei kåra til årets talent i nederlandsk fotball i 2007. Ved årsskiftet til 2011 gjekk han til Barcelona, der han vart spansk seriemeister i 2011.

Ibrahim Afellay

Personleg informasjon
Fødd	2. april 1986
Fødestad	Utrecht
Høgd	180 cm
Posisjon	Midtbane, ving
Klubbinformasjon
Noverande lag	Barcelona
Nummer	20
Seniorkarriere*
År	Lag	Kampar (Mål)
2003-10 2011-	PSV Barcelona	159 (36) 0 (0)
Landslag
2007-	Nederland	31 (2)
* Seniorklubbkampar og mål berre telt for nasjonal liga og oppdatert 5. desember 2010

Afellay var ettertrakta av både det nederlandske og marokkanske landslaget, men valde til slutt å spela for Nederland. Han debuterte for A-landslaget i ein EM-kvalifiseringskamp mot Slovenia 28. mars 2007. Under fotball-EM i 2008 fekk han éin kamp frå start og spelte elles som innbytar. I fotball-VM i 2010 kom han inn som innbytar i tre kampar.