Inger Elin Utsi

Inger Elin Kristina Ivarsdatter Utsi (fødd 26. juli 1975) er ein norsk samisk skodespelar som har spelt i fleire filmar.

Inger Elin Utsi
Fødd	26. juli 1975 (50 år)
Statsborgar av	Noreg
Parti	Norske Samers Riksforbund
Yrke	politikar, skodespelar
Alle verv	sametingsrepresentant (2013–2017)

Utsi voks opp i Kautokeino. Ho har mellom anna spelt i filmane Ofelaš (Veiviseren) og Kautokeino-opprøret. Ho spelte òg Elna i TV-serien Hjerterått produsert av Original Film. TV-serien blei send på NRK Super vinteren 2013.

Inger Elin Utsi har har både økonomi- og journalistutdanning. Ho har jobba som kommunikasjonsrådgivar ved UiT - Noregs arktiske universitet, i NRK, Altaposten og TV Nord.

I dag jobbar ho som seniorrådgjevar for Sannings- og forsoningskommisjonen, som er oppnemnd av Stortinget. Sekretariatet held til ved UiT Noregs arktiske universitet, Tromsø.

Utsi stilte til val for NSR i nordre valkrins ved Sametingsvalet 2013. Ho blei ikkje vald inn direkte, men overtok i form av vararepresentant for Silje Karine Muotka, då Muotka blei vald inn i Sametingsrådet. Utsi sat på Sametinget i ein periode. Ho har òg vore engasjert i fleire verv, mellom anna i Norsk Tjenestemannslag og LO.