Ingvill Måkestad Bovim

Ingvill Måkestad Bovim (fødd 7. august 1981) er ein norsk friidrettsutøvar frå Odda.

Ingvill Måkestad Bovim
Statsborgarskap	Noreg
Fødd	7. august 1981 (43 år) Odda kommune
Idrett	friidrett
Tok del i	Sommar-OL 2012

Ingvill Måkestad representerte fyrst IL Korlevoll i Odda fram til 2007 då ho meldte overgang til Idrettsklubben Tjalve i Oslo. I 2010 bytte ho lag til IL Gular i Bergen. Ho er utdanna ernæringsfysiolog, og er gift med Frode Bovim.

Ingvill Måkestad Bovim har noregsrekorden for 800 m for kvinner. Den blei sett 1. september 2010 i Zagreb, og er på 1.59,82. I juli 2010 sette ho ny personleg rekord på 1500 m i Paris.^[1] Ho sprang på 4.04,22, og det gjer henne til den nest-raskaste norske 1500 m-løparen, bak Grete Waitz. Ho deltok også på EM i friidrett 2010 i Barcelona den sommaren.

I november 2010 vart ho tildelt prisen som årets kvinnelege utøvar av skipinga Friidrettens Venner.^[2] Ingvill Måkestad Bovim har også gjeve ut boka Spis Smart – en kokebok for unge idrettsutøvere.^[3]

Ingvill Måkestad Bovim vart vald ut til OL-troppen til sommar-OL 2012 i London. Ho var i svært god form, men måtte trekkja seg den 5. august på grunn av ein alvorleg akillesskade.^[4]