Jōren-fossen
From Wikipedia, the free encyclopedia
Remove ads
Jōren-fossen (浄蓮の滝 Jōren-no-taki) er ein foss i Yugashima-distriktet i Izus i Shizuoka-prefekturet i Japan, sentralt på Izu-halvøya i den øvre delen av Kano-elva.[1] Han er 25 meter høg og 7 meter brei.[2] Vitjande kan nå fossen ved å gå ned 200 trappetrinn frå den lokale parkeringsplassen.[2] Før det blei bygd ein sti til fossen i meijitida var han vanskelegare å vitja, og meir sogeomspunnen.[2]
Rundt fossen veks det ein særskild bregneart, Woodwardia unigemmata.[2] Langs elva som fossen er del av blir det dyrka wasabi, som krev mykje reint vatn.[3] Det finst også prisa matfisk i vatnet nedstrøms for fossen, regnbogeaure stillehavslaksen amago (Oncorhynchus masou macrostomus), som ein kan kjøpa og eventuelt grilla på staden. Lokal wasabi blir også selt i form av iskrem, pickles og øl.[2]
Fossen har status som prefekturnaturmonument i Shizuoka. Han blei lista som ein av dei fremste 100 fossane i Japan i ei liste frå Miljødepartementet i Japan frå 1990.[4]
Fossen skal ha namn etter tempelet Joren-ji, som tidlegare låg i nærleiken.[2]
I japansk folklore er Jōren-fossen heimen til jorōgumo, ein edderkopp som kan forvandla seg til ei forførande kvinne.[5]
Remove ads
Kjelder
Wikiwand - on
Seamless Wikipedia browsing. On steroids.
Remove ads