Jaffna

Jaffna (Sri Lanka)

Jaffna (tamil யாழ்ப்பாணம் jāḻppaṇam «landet av harpesong» eller «harpisten sitt land») er ein hamneby i det nordlege Sri Lanka. Namnet er også knytt til halvøya som byen ligg på, og alle område som var delar av det gamle Jaffna-kongedømet. Byen er eit senter for tamilsk kultur på Sri Lanka. Han var lenge den andre største byen på øya etter hovudstaden Colombo, men han har vorten mykje skada i den srilankiske borgarkrigen, og har mist mykje av den tidlegare stillinga si.