Jan Johansen

Jan Johansen (fødd 3. desember 1944) er ein norsk tidlegare kajakkpadlar frå Tønsberg som saman med Steinar Amundsen, Tore Berger og Egil Søby vart olympisk meister 1968 i firarkajakk, europameister 1969, verdsmeister 1970 og vinnar av OL-bronse 1972 i same øvinga. Johansen var medlem i Tønsberg Kajakklubb.

Jan Johansen
Steinar Amundsen til venstre, Jan Johansen til høgre
Statsborgarskap	Noreg
Fødd	3. desember 1944 (80 år) Tønsberg
Idrett	padling
Tok del i	canoeing at the 1968 Summer Olympics – men's K-4 1000 metres, canoeing at the 1972 Summer Olympics – men's K-4 1000 metres
Utmerkingar	Fearnleys olympiske ærespris

Johansen vann elles VM-sølv 1966, EM-sølv 1969 og VM-sølv 1971 i toarkajakk i par med Egil Søby. Han vann 6 nordiske meistertitlar og i perioden 1962–83 34 NM-medaljar, fire i einarkajakk. Johansen vart tildelt kongepokalen i 1965 og Fearnleys olympiske ærespris i 1968.

Kjelder

• Store norske leksikon