Jean Desforges

Jean Catherine Desforges, gift Pickering, (4. juli 1929–25. mars 2013) var ein britisk friidrettsutøvar frå London som deltok i ei rad øvingar; sprintløp, hekkeløp, lengdehopp og femkamp. Ho vann EM-gull i stafett i 1950 og i lengdehopp i 1954.

Jean Desforges
Statsborgarskap	Storbritannia
Fødd	4. juli 1929 London Borough of Newham
Død	25. mars 2013 (83 år) Welwyn
Yrke	sprintar, friidrettsutøvar
Språk	engelsk
Høgd	171 centimeter
Ektefelle	Ron Pickering

Aktiv

Desforges vart nummer fem i 80 m hekk i europameisterskapen 1950 i Brussel, og sprang ein etappe for Storbritannia sitt vinnarlag på 4x100 meter stafett. Under dei olympiske sommarleikane 1952 i Helsingfors vann ho ein bronsemedalje i lag med Sylvia Cheeseman, Heather Armitage og June Foulds, bakom gullmedaljørane frå USA og sølvlaget Tyskland. I 80 meter hekk vart ho som i EM 1950 nummer fem.

År 1954 i Bern vart Desforges europameister i lengdehopp med eit hopp på 6,04 meter, elleve centimeter framom Aleksandra Tsjudina frå Sovjetunionen.

Tida 1949-54 vann ho åtte britiske meistertitlar i høvesvis 80 m hekk, lengdehopp og femkamp.

Kjelder

• Denne artikkelen bygger på «Jean Pickering» frå Wikipedia på engelsk, den 29. august 2014.