Johan E. Mellbye

Johan Egeberg Mellbye (11. november 1866–17. desember 1954) var ein norsk gardbrukar og bondeleiar frå Oslo. Han var i 1920-21 den fyrste formannen i Bondepartiet (Senterpartiet).

Johan E. Mellbye
Fødd	11. november 1866 Oslo
Død	17. desember 1954 (88 år)
Statsborgar av	Noreg
Parti	Høgre (1920), Senterpartiet (1920; 1954)
Yrke	politikar, bonde
Utdanna ved	Noregs Landbrukshøgskule
Barn	Jan E. Mellbye
Alle verv	stortingsrepresentant (1922–1924) Norsk landbruksminister (1904–1905) stortingsrepresentant (1925–1927) stortingsrepresentant (1928–1930) partileiar (1920–1921)

Mellbye fekk i konfirmasjongåve storgarden Grefsheim på Nes i Ringsaker. Etter agronomutdanning på Noregs Landbrukshøgskule tok han i 1889 over drifta av garden, der han i tillegg til åkerproduksjon byrja med svin, kalkun og planteskule.

Frå 1890-talet redigerte han landbrukssidene i Hamar Stiftstidende, og skreiv om landbruk i andre aviser og tidsskrift. Mellbye var talsmann for å samle bøndene i ein organisasjon, noko som vart tilfelle ved danninga av Landsmansforbundet (Norges Bondelag) i 1896. Perioden 1901-04 og på ny 1909-41 var han formann i Bondelaget. Frå 1908 var han fyrste formann i det seinare som skulle få namnet ny Jord.

Mellbye var statsråd og sjef for Landbruksdepartementet frå 26. september 1904 til 10. mars 1905 i Francis Hagerups andre regjering, representerte då Høgre. Han var stortingspresentant for Hedmark og Bondepartiet frå 1922 til 1930. I alle sine år på Stortinget var han parlamentarisk leiar, med sete i tollkomiteen.

Formann i Hedmark Historielag frå 1918.

Sonen Jan E. Mellbye (1913-2009) var formann i Norges Bondelag 1969–74. Peter Andreas Munch var morfaren hans.

Kjelder

• Norsk Allkunnebok. VIII. bandet. 1964
• Biografisk informasjon om Johan E. Mellbye NSD Norsk senter for forskningsdatas politikararkiv