Johannes Smemo

Johannes Smemo (31. juli 1898–7. mars 1973) var ein norsk teolog og biskop i bispedømma Agder (1946–1951) og Oslo (1951–1968).

Johannes Smemo
Frå venstre baptistpastoren Billy Graham, biskop Johannes Smemo, dr. theol. Alf Lier og forstandar Erling Strøm under Graham sitt store vekkingsmøte på Ullevål satdion 3. juli 1955. Foto: Billedbladet NÅ/Arkivverket
Statsborgarskap	Noreg
Fødd	31. juli 1898 Røros
Død	7. mars 1973 (74 år) Oslo
Yrke	prest
Religion	Den evangelisk-lutherske kyrkja

Johannes Smemo var fødd i Rugldalen på Røros. Han vart cand. theol. ved Menighetsfakultetet i 1924 og var hjelpeprest i Bragernes i Drammen 1925, sokneprest i Sør-Fron 1933, rektor ved Menighetsfakultetet sitt praktisk-teologiske seminar 1934, biskop av Agder (no Agder og Telemark bispedømme) 1946–1951 og biskop av Oslo 1951-1968. Han var morfar til Hilde Haugsgjerd og svigerfar til Paul Thyness.