Julius Hammer

Julius Christopher Hammer (14. mai 1798–31. desember 1877) var ein norsk prest og stortingsmann frå Bergen. Han var gift med ei dotter av Jacob Neumann.

Julius Hammer
Statsborgarskap	Noreg
Fødd	14. mai 1798
Død	31. desember 1877 (79 år)
Yrke	politikar, prest
Språk	norsk

Hammer var son av Christopher Johannes Hammer (1759-1823), generalvegmeister i Søndre Bergenhus amt. Sjølv vart han student frå Bergens skole i 1815, og cand. theol. i 1824. Året etter vart han utnemnd til sokneprest i Kinn, frå 1830 hadde han same embete i Strandebarm. Den lange perioden 1834 til 1866 var han sokneprest i Haus.

Hammer var 3. representant frå Søndre Bergenhus amt på Stortinget i 1842, medlem av justiskomiteen. Til dei neste fire stortinga var han vekselvis 2. og 3. varamann.

Han døydde 1877 i fødebyen Bergen.

Kjelder

• Lindstøl, Tallak: Stortinget og Statsraadet 1814-1914. Kristiania, 1914