Junco

Junco er ei lita biologisk slekt av fem artar sporvefuglar i Amerika frå Alaska i nord og sørover til norvestlegaste Panama. Artane i slekta har namn på norsk med fellesnemninga 'junko' og dei er ein del av amerikasporvfamilien, Passerellidae.

Junco
Vulkanjunko, Junco vulcani Foto: Francesco Veronesi
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Overfamilie:	Passeroidea
Familie:	Amerikasporvfamilien Passerellidae
Slekt:	Junco Wagler, 1831

Skildring

Vinterjunko, Junco hyemalis

Foto: Ukjent, utgjeve av Shenandoah National Park

Vinterjunko, Junco hyemalis, Cap Tourmente National Wildlife Area, Quebec, Canada

Foto: Simon Pierre Barrette

Gulaugejunko, Junco phaeonotus

Foto: Gary L. Clark

Junkoar varierer frå 13 til 17 centimeter i kroppslengd. I hovudsak har dei fjørdrakt med grått hovud og hals, meir brunleg eller raudbrun overside av kroppen og uklår oransje på kroppsidene, lysare og gråare mot buken. Her er store variasjonar, vinterjunko har særlege variantar blant underartane, til dømes finn ein berre grått og kvitt hos hofuglar av nominatforma samt hos begge kjønn av J. h. aikeni. Junco bairdi er ei spesielt lys utgåve av junkoar.

Vinterjunko har utbreiing over heile Nord-Amerika og har ein estimert populasjon på heile 260 millionar individ.^[1] Guadalupejunko og vulkanjunko lever i Mexico og Sentral-Amerika. Guadalupejunko er endemisk for øya Guadalupe, medan pericujunko, Junco bairdi, er endemisk for ytste sørspissen av Californiahalvøya.

Artslista

Junco i rekkjefølgje etter eBird/Clements Checklist v2017^[2] med norske namn etter Norske navn på verdens fugler:^[3]

• Vinterjunko, Junco hyemalis, Dark-eyed Junco, Linné, 1758, (LC)
• Guadalupejunko, Junco insularis, Guadalupe Junco, Ridgway, 1876, (NR)
• Gulaugejunko, Junco phaeonotus, Yellow-eyed Junco, Wagler, 1831, (LC)
• Pericujunko, Junco bairdi, Baird's Junco, Ridgway, 1883, (NT)
• Vulkanjunko, Junco vulcani, Volcano Junco, Boucard, 1878, (LC)