Kásos

Kásos (gresk Κάσος, italiensk Caso), òg kalla Kassos, er ei øy i Hellas som høyrer til Dodekanesane i Egearhavet. Ho er den sørlegaste øya i Egearhavet.

Kásos Lokalt namn Κάσος
Den gamle hamna i Fry på Kásos
Geografi
Stad	Egearhavet
Koordinatar	35°24′N 26°55′E
Øygruppe	Dodekanesane
Areal	69,5 km²
Administrasjon
Land	Hellas
Periferi Periferieining	Dei sørlege egeiske øyane Kárpathos-Kásos
Største busetnad	Fry (346 innb.)
Demografi
Folketal	1 223 (2021[1])
Folketettleik	17,6 /km²

Kásos er eigen kommune, og frå 2011 høyrer øya administrativt til under periferieininga Kárpathos-Kásos i periferien Dei sørlege egeiske øyane.^[2] Frå 2018 har kommunen Kásos formelt skifta namn til Den heroiske øya Kásos (Ηρωικής Νήσου Κάσου).^[3]

Øya har fem landsbyar, Fry, Ajía Marína, Panajía, Póli, Arvanitokhóri. I havet mot nordvest ligg Armáthia, Makronísi og nokre mindre klippeøyar, alle utan busetnad.

Øya har vel 1000 innbyggjarar. Fry er hovudbyen på øya og har den einaste hamna her, medan Ajía Marína har flest innbyggjarar. Flyplassen ligg nær Ajía Marína.

Historie

I antikken var øya ei tilfluktshamn for filistarane. Ho har ei rik og stolt historie om sjømannskap og kunnskapane deira innan sjøfart var frykta av dei omliggande landa då dei gjekk ut i krig mot naboane sine og kassiotane blanda seg inn. I 1825 vart pasjaen av Tyrkia så rasande på kassiotane at han sende heile marinen sin til den litle øya og tok livet av heile folkesetnaden^[4]. Kásos vart ikkje ein del av Hellas før ho vart offisielt annektert i 1948.

Byar og tettstader

Byane og tettstadene i kommunen er:

Tettstad	Folketal 2011[5]	Folketal 2021[1]
Ajía Marína	444	549
Fry	357	346
Arvanitokhóri	169	178
Póli	80	96
Panajía	34	51

Småøyar i kommunen:

• Astakidopoúlo (2)
• Astakída (1)
• Armáthia (0)
• Divoúnia (0)
• Karofýlla (0)
• Kástoras (0)
• Koúrika (0)
• Lítra (0)
• Makronísi (0)
• Pláka (0)
• Pláti (0)
• Pondikonísia (0)
• Porionísi (0)
• Strongylí (0)
• Trákhilas (0)
• Trypití (0)
• Fokás (0)
• Khamilí (0)
• Khténi (0)
• Psíra (0)