Køyeseng

Køyeseng er eit møbel der fleire senger er plasserte over kvarandre.^[1] Uttrykket køye-seng er ein parallell til bruken av hengekøyer på skip, der plassforholda gjorde at køyene ofte blei hengde over kvarandre.

Eksempel på ei moderne køyeseng i tre.

Køyesenger ombord på det franske hangarskipet «Clemenceau».

Sovande i køyesenger ligg som i etasjar av enkeltsenger stabla over kvarandre. Slike senger er praktiske på stadar der golvplassen er avgrensa i tilhøve til mengda menneske som skal ha soveplass. Køyesenger blei eit populært møbel på barnerom frå 1950-åra. Sengehest blir ofte nytta i den øvste senga i ein køyeseng for å hindra at ein fell ut.