Kalaslekta

Kalaslekta (Zantedeschia) er ei planteslekt i myrkonglefamilien som høyrer heime i det sørlege Afrika, frå Sør-Afrika og nord til Malawi. Det er åtte godkjende artar i slekta,^[1] og dei vert 1–2,5 m høge. Blada på kalaene er pilforma, og kan verte mellom 15 og 45 cm lange. Blomstrane er grøngule og omgjevne av eit stort trompetforma hylsterblad. Stovekalaen (Z. aethiopica) vert dyrka som potteplante.

Kalaslekta
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Vassgroordenen Alismatales
Familie:	Myrkonglefamilien Araceae
Slekt:	Kalaslekta Zantedeschia Spreng., 1826

Kala-artane er giftige fordi dei inneheld kaliumoksalat. «Alle delar av planta er giftige, og gjev irritasjon eller opphovning av munn og svelg, og plutseleg kvalme og diaré.»^[2] Likevel vert blada nokre gonger kokte og etne, ettersom varmebehandling skal øydeleggja giftstoffa.^[3]

Planter av denne slekta har vorte brukt i mange måleri, mellom anna i mange av kunstverka til Diego Rivera.

Artar

• Zantedeschia aethiopica (stovekala)
• Zantedeschia albomaculata
• Zantedeschia elliottiana
• Zantedeschia jucunda
• Zantedeschia odorata
• Zantedeschia pentlandii
• Zantedeschia rehmannii
• Zantedeschia valida