Kalahari

Kalahari er eit stort ørken- og savanneplatå sør i Afrika. Kalahari-området dekker rundt 900 000 km², og det omfattar store delar av Botswana og delar av Namibia og Sør-Afrika.

Frå Kalahari i Namibia.

Foto: Elmar Thiel

Kalahari
ørken
Land	Botswana,  Namibia  Angola,  Sør-Afrika
Kalahari 23°S 22°E / -23; 22
Kalahari-ørkenen (det raude feltet) og Kalahari-området (oransje). Kalahari-ørkenen (det raude feltet) og Kalahari-området (oransje).
Wikimedia Commons: Kalahari

Kalahari har lite nedbør, rundt 76–190 mm i året. Nokre delar kan likevel få over 250 millimeter. Einaste elva som renn inn i området er Okavango, som dannar eit innlandsdelta her. Medan store delar av Kalahari er ekte ørken hovudsakleg dekt av raud sand, er andre delar rike på plante- og dyreliv. Fleire delar er verna, som Central Kalahari Game Reserve, Khutse Game Reserve og Kgalagadi Transfrontier Park.

Sanfolk har levd i Kalahari i over 20 000 år og livnært seg gjennom jakt og sanking.