Kesab

Kesab, Kessab eller Kasab (arabisk كسب, armensk Քեսապ, Kesab) er ein armensk-busett by nordvest i Syria i Latakia guvernement, 59 kilometer nord for Latakia. Han ligg nær grensa til Tyrkia i fjellsida til Aqraa (tyder «den hårlause» eller «skalla») 800 meter over havet.^[2] I følgje Syrisk statistisk sentralbyrå, hadde Kesab eit folketal på 1 754 i 2004.^[1]

Kesab
كسب, Քեսապ
by
Land	Syria
Guvernement	Latakia guvernement
Distrikt	Latakia-distriktet
Nahiyah	Kesab
Høgd	800 moh.
Koordinatar	35°55′N 35°59′E
Folketal	1 754  (2004)[1]
Tidssone	EET (UTC+2)
Kesab 35.916666666667°N 35.983333333333°E / 35.916666666667; 35.983333333333
Kart som viser Kesab. Kart som viser Kesab.
Wikimedia Commons: Kesab

Med det tørre klimaet og omgjeve av grøne skogar og djupe dalar, er Kesab ein populær feriestad for mange innbyggjarar i Aleppo og Latakia.^[2]

Baghjaghaz-passet og høgda Chalma.

Byen ligg 59 kilometer nord for Latakia, berre tre kilometer frå den tyrkisk grensa og ni kilometer frå Middelhavet. Byen ligg 800 meter over havet i midten av ein tett barskog, og er ein populær feriestad om sommaren.

Kesab er en gammal armensk by som er datert attende til Det armenske kongedømet Kilikia. Innbyggjarane er i dag hovudsakleg armenarar^[3] med ein minoritet av arabiske alawittar. Byen er omgjeven av små landsbyar og gardar, som òg stort sett er folkesett av armenarar: Duzaghaj, Esguran, Sev Aghpyur, Kinar, Chakhaljekh, Keorkeuna, Ekizolukh, Baghjaghaz, Karadouran, Karadash og den fråflytta landsbyen Bashurd.

Galleri

• 
  Utsyn
• 
  Sentrum av Kesab
• 
  Gala-distriktet
• 
  Kesab om vinteren
• 
  Hovudvegen
• 
  Fjellet Karadouran
• 
  Karadouranstranda ved den syrisk-tyrkisk grensa
• 
  På veg til Baghjaghaz