Klaustrofobi

Klaustrofobi er ein angstsjukdom som inneber frykt for innestengde område. Klaustrofobar kan få panikkanfall eller frykta å få eit anfall av vill panikk i situasjonar der dei er innestengde, som i heisar, tog eller fly.

Klaustrofobi
Klassifikasjonar og ressursar
MeSH	D000098452

Folk som er sårbare til panikkanfall kan også ofte utvikla klaustrofobi.Om klaustrofoben får eit anfall medan han er i eit avlukka rom, fryktar han at han ikkje vil kunne sleppa unna situasjonen. Folk som lid av klaustrofobi kan få vanskar med å pusta i lukka auditorium, teater og heisar. Som mange andre psykiske sjukdommar kan klaustrofobi nokre gonger utvikla seg på grunn av ei traumatisk hending i barndommen.

Klaustrofobi kan behandlast på same måte som andre angstsjukdommar, med ei rekkje behandlingar, m.a. kognitiv terapi og anti-angst-medisin.

Populært blir klaustrofobi sett på som det motsette av agorafobi eller «frykt for opne område». Dette er likevel ei overforenkling: klaustrofober kan òg frykta å vera i folkemengder, og agorafobi kan òg beskrivast som «frykt for offentlege stader». Slik kan t.d. ein overfylt festplass råka både klaustrofobar og agorafobar negativt.

Behandling

Det finst eit lite tal terapiar som kan kurera fobien:

• Pasientar kan bli plasserte i innestengde område. Erkjenninga av at dei har vore utsett for det største frykta si utan å ha kome til skade, kan gjera inntrykk og vera ein sterk terapi.
• Pasientar kan læra spesifikke avslappings- og visualíseringsteknikker som dei kan bruka mot fobi-relatert angst. Utløysinga av fobien blir introdusert gradvis, medan pasientane konsentrerer seg om å oppnå fysisk og psykisk avspenning. Til sist kan dei klara å konfrontera kjelda til frykta si utan å bli nervøse.
• Forbilde – pasientar kan òg sjå andre pasientar plasserte i lukka område (terapi I), og bli oppfordra til å etterlikna same tillit.
• Kognitiv åtferdsterapi – personen blir hjelpt til å konfrontera og endra tankane og haldningar som kan føra til kjensla av frykt.
• Medisinsk behandling – roande og antidepressiv medisin. Medikament som beta-blokkarar kan brukast til å behandla dei fysiske symptoma på angst, t.d. eit hurtig slåande hjerte.