Kokosfeitt

Kokosfeitt, kokossmør eller kokosolje er ein kvit halvfast masse laga av frøkviten i kokosnøtter, kopra. Kokosfeittet blir produsert ved pressing eller ekstraksjon av kjernen. Smeltepunktet til feittet er ca. 25 °C. Kokosfeitt blir brukt til ei rekkje ulike føremål innan næringsmiddelproduksjon og annan industri. Det er mellom anna mykje brukt til å laga margarin og såpe.

Herda kokosfeitt.

Kokosfeitt inneheld hovudsakleg glyserid av laurin-, myristin- og palmitinsyre. Vel 90 % av feittsyrene i feittet er metta.