Komfyr

Komfyr er ein omn brukt til matlaging, hovudsakleg på kjøkken. Komfyrar har gjerne platetopp og steikeomn. Opphavleg brukte ein vedkomfyr til å laga mat på, men i moderne tid har ein også teke i bruk kol, brennbar gass og elektrisk straum til å varma mat. I Noreg er elektrisk komfyr vanlegast.

Tidleg elektrisk komfyr.

Komfyrar kan koma som frittståande møblar med platetopp oppå og steikeomn nede, eller desse kan koma separat slik at dei kan installerast kvar for seg. I ein vedomn kan ein nytta varmen frå steikeomnen til plater eller ringhòl oppå, men i moderne komfyrar treng ein ikkje dette.

Ordet «komfyr» kjem via nederlandsk frå gammalfransk chauffoir, 'varmestove'.

Galleri

• 
  Vedkomfyr frå 1900.
• 
  Moderne indisk vedkomfyr.
• 
  Kolkomfyr
• 
  Gasskomfyr frå England i 1934.
• 
  Elektrisk komfyr i Malawi.
• 
  Moderne gassplatetopp.
• 
  Elektrisk platetopp med glødande plater fotografert i 2005.
• 
  Induksjonskomfyr som koker vatn gjennom papir fotografert i 2011.