Nærkraft

Ei nærkraft eller kontaktkraft er ei kraft som verkar i kontaktpunktet eller kontaktflata mellom to lekamar^[1], til dømes friksjonskraft og trykk-kreft.

Kontaktkreftene vert skildra av Newtons rørslelover på lik linje med alle krefter i dynamikken.

Ein finn kontaktkreftene over alt og står for dei fleste vekselverknadene ein ser mellom lekamar i dagleglivet. Å køyre ein bil opp ein bakke, sparke ein ball eller skubbe ein pult over golvet er alle kvardagslege døme der kontaktkrefter spelar inn.