Kroatisk kuna

Kroatisk kuna (kroatisk: hrvatska kuna; ISO 4217: HRK) er mynteininga i Kroatia. Kunaen er delt inn i 100 lipa, og vart innførd i juni 1994, etter ei valutareform som erstatta den tidlegare kroatiske dinaren. Denne vart innførd berre tre år tidlegare, og hadde i sin tur erstatta den tidlegare jugoslaviske dinaren. Ved det siste bytet var 1 kuna verd 1000 gamle dinarar (HRD).

For andre tydingar av oppslagsordet, sjå kuna.

Kuna tyder mår på kroatisk og fleire andre slaviske språk. Namnet på valutaen kjem av at mårpelsar vart brukte som betalingsmiddel i Kroatia i mellomalderen. Lipa tyder lind på kroatisk.

Valørar

• Setlar: 5, 10, 20, 50, 100, 200, 500 og 1 000 kuna
• Kuna-myntar: 1, 2 og 5 kuna
• Lipa-myntar: 1, 2, 5, 10, 20 og 50 lipa

Kjelder

• «Kroatisk kuna» på Wikipedia på svensk, innhenta 7. juli 2010.

Bakgrunnsstoff

• Den kroatiske nasjonalbanken