Kvænangen kommune

69°56′20″N 22°03′00″E Kvænangen kommune (nordsamisk Návuona suohkan, kvensk Naavuonon komuuni) ligg lengst nord i Troms fylke. Kommunen grensar mot Loppa kommune i nord, Alta i aust, Kautokeino i sør, Nordreisa i sørvest, og Skjervøy i vest. Kvænangen høyrer til regionen Nord-Troms.

«Kvænangen» omdirigerer hit. For fjorden kommunen har namn etter, sjå Kvænangsfjorden.

Kvænangen kommune
kommune
Kommunevåpen
Land	Noreg
Fylke	Troms
Adm.senter	Burfjord
Areal	2 109,37 km²
•  land	2 013,38 km²
•  vatn	95,99 km²
Folketal	1 131  (1. januar 2025)
Målform	nøytral
Ordførar	Kai Petter Johansen (SV)
Kommunenr.	5546
Kvænangen kommune 69.894166666667°N 21.980277777778°E / 69.894166666667; 21.980277777778
Kart som viser Kvænangen kommune. Kart som viser Kvænangen kommune.
Wikimedia Commons: Kvænangen
Nettstad: www.kvanangen.kommune.no

Namnet Kvænangen kjem av «kvæner» ('kvener') som er norsk for «finsktalande folk», og angr som er norrønt for «fjord».

Næringsverksemda i Kvænangen har lenge vore basert på primærnæringane jordbruk, skogbruk og fiske, men dei fleste sysselsette i kommunen arbeider no innan tenesteytande næring. Nye næringar som har hatt vekst i kommunen er fiskeoppdrett og turisme.

Kommunesenteret i Kvænangen er Burfjord. Næraste flyplass er Sørkjosen lufthamn i nabokommunen Nordreisa, med flyruter til Tromsø, Hammerfest og Kirkenes.

Historie

Kvænangen kommune vart oppretta i 1863, då han vart skilt ut frå Skjervøy kommune. Folketalet var då 2785. I 1965 vart Meilandsområdet på fastlandssida av Haukøysundet, med 12 innbyggjarar, overført frå Skjervøy til Kvænangen, og i 1972 gjekk eit ubygd område same vegen.

Folketalsutvikling

Folketalsutvikling for Kvænangen kommune frå 1875:

1875[1]	1900[1]	1.12.1920[2]	1.12.1930[3]	3.12.1946[3]	1.1.1951[4]	1.1.1961[4]	1.1.1971[4]	1.1.1981[4]	1.1.1991[4]	1.1.2001[4]	1.1.2010[4]
1646a	1764a	1903a	1973a	2402a	2511a	2382a	2090	1842	1638	1427	1316

^a Talet omfattar ikkje Meilandsområdet, som var del av Skjervøy kommune fram til 1965, då det vart overført til Kvænangen kommune. Dette området hadde då 12 innbyggjarar.